Presidenti i Republikës së Shqipërisë, Bajram Begaj në fjalë e tij gjatë konferencës për shtyp me homologun italian Sergio Mattarella theksoi se të dy vendet kanë rëndësi parësore bashkëpunimin politik, ekonomik dhe institucional.
“Italia është një mike e vyer dhe mbështetëse e pakursyer e rrugës tonë evropiane. Bashkëpunimi me Italinë është në nivel te partneritetit strategjik”.
Ai theksoi se mirëpresin prezencën e shtuar të biznesit italian dhe “vlerësojmë kontributin e sipërmarrjeve italiane”.
“Bashkëpunim në fushën e energjisë, TAP projekt me rëndësi të veçantë për vendet tona dhe ato të rajonit. Vlerësim i veçantë për mbështetjen dhe njohjen e ndërsjellë të kontributeve shoqërore është me rëndësi jetike për emigrantët shqiptarë në Itali”.
Ndër të tjera Begaj tha se vizitat e shpeshta janë thelbësore për bashkëpunimin mes 2 vendeve.
“Ndamë sot me Presidentin Mattarella mendimin, se vizitat e shpeshta në nivele të larta, janë jo vetëm shprehje e vëmendjes së politikës së jashtme të dy vendeve tona, pavarësisht qeverive në pushtet.
Në rrugëtimin e saj Euro-Atlantik, Shqipëria ka qenë me fat që ka gjetur tek Italia, një mike të vyer dhe mbështetëse të pakursyer të përpjekjeve për integrim.
Ne jemi mirënjohës që politika e jashtme italiane, prej vitesh, e ka përcaktuar si prioritet të saj integrimin e Ballkanit Perëndimor, duke mbetur e palëkundur në politikën e zgjerimit të Bashkimit Evropian”, tha Begaj.
Gjithashtu Begaj shtoi se Itali është një ndër vendet kryesore që ka mbështetur Shqipërinë në procesin e integrimit në BE.
“Hapja e negociatave të Shqipërisë me Bashkimin Evropian shënon një stacion të rëndësishëm në rrugëtimin tonë, që kërkon përkushtim të shtuar në një proces transformues për të gjitha institucionet dhe ekonominë tonë”, shto Begaj.
Presidenti i Shqipërisë shtoi se e vlerëson mbështetjen e Italisë, ndaj Kosovës në dialogun Kosovë-Shqipëri.
