Kryetari i PD-së, Sali Berisha është përplasur sërish sot me replika me drejtuesen e seancës, Ermonela Felaj.
Ish-kryeministri doli në foltore për replikë, por Felaj i hoqi fjalën duke i kërkuar që të ulet.
“Kosova jep 100 euro për pensionistët” tha Berisha duke kritikuar paketën e dytë të qeverisë.
Felaj i dha ultimatum që të ulet në të kundërt e kërcënoi me përjashtim nga seanca. “Ju lutem mos u bëni abuzivë duke mashtruar. Mos harxhoni kohën. Ju lutem uluni. Kthehuni në vendin tuaj.
Zënia e foltores është shkelje, që disiplinohet nga rregullorja. Uluni, çfarë është kjo mani për të pushtuar foltoren” i tha ajo. Berisha u detyrua të ulet.
