Kryeministri Edi Rama në seancën e sotme plenare të Kuvendit debatoi me deputetin Helidon Bushati për paketën e dytë anti-krizë.
Gjithashtu, ai “thumboi” opozitën që i doli në krah biznesmenit Irfan Hysenbelliu, të cilit IKMT i prishi dy pishina në “Prestige Resort” në Golem.
Debati në Kuvend
Edi Rama: Çfarë ka ky? çfarë ke që ulërin more burrë, çfarë janë këto ulërima?
Lindita Nikolla: Zoti Bushati ju lutem!
Edi Rama: Injoranca nuk ka qenë kurrë argument, prandaj jeni katandisur këtu ku jeni.
Lindita Nikolla: Zoti Bushati, ju lutem, ju tërheq vëmendjen. O zoti Bushati, si do iu vinte që kur të flisnit ju, të flisnim dhe ne
Edi Rama: Urime që jeni tharë pasi u zhytët në pishinat e Irfan Hysenbelliut tre ditë rresht. Kjo tregon që keni konsumuar goxha energji për t’u farë dhe ju punojnë tharësja. Sa u përket ndërtimeve pa leje.
Ne jemi sot në një kohë kur këto janë shfaqet e fundit të brutalitetit kapitalit të disa kokave që kujtojnë se mund të bëjnë çfarë të duan.
Nuk ka asnjë kat, apo zgjerim që nuk do të i kthehet popullit. Jeni të lutur të na ndihmoni. Ju nuk dini të lexoni, por me paratë që do të mblidhen nga cdo godinë që do të vijë si rezultat i denoncimit tuaj do të hapim një kurs për t’ju mësuar leximin.
Deputetët e opozitës reagojnë nga vendi pa mikrofon
