Mbretëresha Elizabet është në gjendje jo të mirë shëndetësore.
Mbretëresha është nën mbikëqyrjen mjekësore në Balmoral pasi mjekët u shqetësuan për shëndetin e saj, tha Buckingham Palace.
“Pas vlerësimit të mëtejshëm këtë mëngjes, mjekët e Mbretëreshës janë të shqetësuar për shëndetin e Madhërisë së Saj dhe kanë rekomanduar që ajo të mbetet nën mbikëqyrjen mjekësore”, thuhet në një deklaratë.
Princi Charles ka udhëtuar në Balmoral. Aty ka udhëtuar edhe Dukesha e Cornwall-it dhe Duka i Kembrixhit.
Njoftimi vjen pasi Mbretëresha, 96 vjeçe, u tërhoq nga një Këshill virtual Privy të mërkurën, me mjekët që e këshilluan atë të pushonte.
Kryeministrja Liz Truss tha se “i gjithë vendi” është “thellësisht i shqetësuar” nga lajmet.
“Mendimet e mia – dhe mendimet e njerëzve në mbarë Mbretërinë tonë të Bashkuar – janë me Madhërinë e saj Mbretëreshën dhe familjen e saj në këtë kohë” shtoi ajo.
Mbretëresha emëroi zonjën Truss si kryeministre në Balmoral të martën, në vend që të udhëtonte për në Londër.
Gjatë mbretërimit të saj 70-vjeçar, Mbretëresha ka pasur zakonisht një audiencë me kryeministrin e saj të ri në Pallatin Buckingham.
Ajo ka qenë në një pushim veror në shtëpinë e saj skoceze që nga korriku.
