Shqiponja dykrenare vijon të mbetet “provokacia” për serbët edhe në stadiumet botërore.
Në fillim të ndeshjes Inter-Bayern Munchen, një fëmijë bëri gjestin e shqiponjës në momentin kur kamera u ndal te lojtarët e skuadrës milaneze
Gjest ky që ka tërhequr vëmendjen e mediave serbe që i janë rikthyer refrenit “Provokacija”. “Kurir” e cilëson skandal atë që ndodhi në ndeshjen e Ligës së Kampioneve edhe pse nuk arrin të justifikojë titullin pasi në këtë rast, fëmija me origjinë shqiptare nuk ka bërë asgjë të ndaluar.
Në të njëjtën linjë qëndron edhe “Novosti.rs” ndërsa të njëjtin titull e kanë përsëritur një seri të gjitha mediat apo portalet në Serbi.
