Fundjava e kësaj jave do të jetë një fundjavë tipike vjeshte. Shqipëria do të ndikohet nga kushte të paqëndrueshme atmosferike.
Sipas MeteoAlb vranësirat e shpeshta do dominojnë në pjesën më të madhe të ditës në pothuajse gjithë vendin.
Herë pas here do të pësojnë zhvillime duke gjeneruar reshje të pakta shiu.
Pas orëve të pasdites pritet përmirësim i përkohshëm i kushteve të motit.
Temperaturat e ajrit do të ulen në mëngjes dhe ndjeshëm në mesditë duke luhatur vlerat ditore nga 15°C deri në 31°C.
Era do të fryjë e lehtë dhe mesatare me shpejtësi 35 km/h nga drejtimi Veriperëndimor kryesisht duke krijuar në brigjet detare dallgëzim 3 ballë.
