Sekretari i Shtetit amerikan, Antony Blinken ka zhvilluar një telefonatë me kryeministrin Edi Rama në lidhje me sulmet kibernetike nga Irani.
Blinken ka shprehur mbështetje duke thënë se SHBA është bashkë me Shqipërinë.
Ai dënoi sulmin e papërgjegjshëm kibernetik kundër TIMS.
“Sekretari i Shtetit Antony J. Blinken foli dje me kryeministrin shqiptar Edi Rama. Sekretari Blinken dënoi sulmin e papërgjegjshëm kibernetik të 9 shtatorit kundër sistemeve të kontrollit kufitar të Shqipërisë, i cili pason sulmin kibernetik të Iranit ndaj Shqipërisë më 15 korrik. Sekretari theksoi rëndësinë e bashkëpunimit SHBA-Shqipëri, si aleatë në NATO, për sigurinë rajonale”. – Zëdhënësi i Departamentit të Shtetit të SHBA, Ned Price”
