SPAK kërkon burgim të përjetshëm për kopshtarin Festim Bizhdili për dosjen e zhdukjes së Jan Prengës, ndërsa për Olsi Turjan kërkon dënim me 3 vite burg.
Të pandehurit kanë kërkuar pafajësi në sallën e gjyqit, ndërsa trupa gjykuese e GJKKO është tërhequr për vendim.
Vendimi do të shpallet me datë 29 shtator nga Gjykata e Posaçme kundër Krimit dhe Korrupsionit.
Jan Prenga u rrëmbye në 17 janar 2020 dhe u vra por trupi i tij nuk është gjetur.
Sipas policisë autorët e rrëmbimit janë familja Hajri në Shijak dhe grupi i Dukagjinit në Shkodër. Në krye të dy grupeve dyshohet se është Gramoz Rexhepi.
Ai dyshohet se qenë porositësi i rrëmbimit për një sasi prej 260 kilogram kokainë që u vodh sipas tij nga Astrit Prenga (vëllai i Jan Prengës) në Angli.
