Kreu i KQZ, Ilirjian Celibashi ditën e sotme është takuar me ambasadoren SHBA-ve në Tiranë, Yuri Kim. Pas takimit Celibashi ka thënë një deklaratë për mediat ku tha se Kim përcolli shqetësimin e SHBA-ve për financimet ruse.
“Me pak fjalë nga ambasadorja Kim u përcoll shqetësimi i SHBA i partnerit dhe aleatit të SHBA, në lidhje me financimet e huaja të politikës shqiptare në mënyrë specifike të politikës ruse. Nga infot e fundit që zotërojnë përcolli këtë shqetësim tek aktorët politikë shqiptarë me qëllim që të rrisin vëmendjen dhe çfarë është në fuqinë e tyre për të bërë më mirë me qëllim që financimet e huaja të mos kenë ndikim në politikën shqiptare.”
Ai shtoi se ka nevojë për përmirësimin e kuadrit lidhor.
Mund të them që ka nevojë për përmirësim të kuadrit ligjor, të jepet mundës praktike për të hetuar për sasinë e parave që marrin partitë politike dhe nga i marrin. Natyra e diskutimit ishte informuese dhe e përcjelljes së një shqetësimi, nuk u bënë diskutime si të rrisim vëmendje”, tha ai.
