Pas takimit me ambasadoren amerikane Yuri Kim, Monika Kryemadhi ka dhënë një deklaratë për mediat ku ka thënë që është bërë emergjente ngritja e barrierave për mos depërtimin e financimeve ruse që cenojnë sigurinë e Shqipërisë.
Kryemadhi shtoi se ajo ka më shumë se 6 vite që flet për influencën ruse në vend.
“Është bërë emergjente ngritja e barrierave për mosdepërtimin e financimeve ruse që cenojnë sigurinë e Shqipërisë, aq më shumë në situatën ku gjendemi. mendoj që kjo është ajo që kemi ngritur me kohë. Ka më shumë se 6 vite që flas për influencën ruse në vend. Por më mirë vonë se kurrë, ka ardhur koha që dy paritë e tjera të marrin eksperiencën e LSI apo Partisë së Lirisë sot, që të gjithë donatorët t’i kenë me emër dhe mbiemër donatorët. Ligji për financimin e partive politike ka nevojë për rishikim. Duke e bërë burokratike stimulohen më shumë paratë e pista, përgëzoj takimin me Kim dhe bashkëpunimi i gjithë partive të vijojë edhe më tutje. Ka një proces që do vazhdojë të hetohet dhe do hetohet edhe jashtë Shqipërisë. Kush e ka gëlltitur lugën e çorbës së prishur ka për të vjell gjithë jetën”, tha ajo.
