Ish-kryetarja e LSI-së, Monika Kryemadhi sfidoi Edi Ramën që të shkojë dhe të prezantojë investimin, që tha se është 128 mln euro që është bërë në inceneratorin e Sharrës. Deputetja tha se aktualisht në Sharrë ka vetëm jonxhë dhe asnjë investim. Milionat ku shkuan? Për këtë, Kryemadhi kërkon një përgjigje nga Rama.
“Përse nuk e demonstron Rama investimin e bërë në Sharrë, ku ka vetëm jonxhë. Në komision tha se kompania ka bërë 128 mln euro investim dhe se nuk kam punë me procedurat dhe firmos “pam, pam, pam”.
Por sot, e shikoni duke folur si analist, letra dhe procedura, fiks si analist ligjor. Unë e ftoj kryeministrin të shkojë te inceneratori i Tiranës të tregojë ku është investimi 128 mln euro që ai e ka ulëritur aq shumë. Ku janë investimet e kryera sipas kontratës. E ftoj të bëjë investimin” tha ajo.
