Partia e presidentit francez Emmanuel Macron “La Republique en marche” (LREM), ndryshoi zyrtarisht emrin të shtunën dhe u bë partia e “Rilindjes”.
Partia, e krijuar vetëm një vit përpara se Macron të zgjidhej për herë të parë si president i Francës në 2017, po rishpik veten pasi themeluesi i saj nuk arrin të kërkojë një mandat të tretë.
Anëtarët e saj u takuan dje në Carrousel të Luvrit, pak metra larg Piramidës ku presidenti më i ri i Republikës së Pestë Franceze festoi fitoren e tij të parë të vitit 2017.
“Pa unitet, ekstremet do të fitojnë”, paralajmëroi dje Macron, tashmë president nderi i Rilindjes, i cili mundi kandidaten e ekstremit të djathtë Marine Le Pen në raundin e dytë të zgjedhjeve presidenciale në maj, por ajo fitoi 42% të votave. Domethënë 2.6 milionë vota më shumë se raundi i dytë i 2017-ës.
Në zgjedhjet parlamentare të qershorit, partia humbi shumicën absolute në Asamblenë Kombëtare.
Sekretari i përgjithshëm i partisë është Stéphane Cezournet, 37 vjeç, ish-bashkëpunëtor i Macron dhe president i grupit parlamentar të Rilindjes në Parlamentin Evropian.
