Prokuroria Themelore në Pejë, bën me dije se ditën e djeshme ka ndaluar 3 persona të cilët dyshohet se kanë vjedhur 20 mijë euro.
(H.A., E.H., dhe M.A.,) janë inicialet e shtetaseve të kanë vepruar si anëtar të grupit kanë kryer veprën penale “Vjedhje e Rëndë”.
Tre të dyshuarit duke vepruar si anëtar të grupit kanë arritur t’i vjedhin nga i dëmtuari shumën e parave në vlerë prej 20 mijë eurove, ku pas koordinimit të Prokurorit të Shtetit me Policinë e Kosovës, tre të dyshuarit (H.A., E.H., dhe M.A.,) janë arrestuar mbrëmë rreth orës 18:00, njofton prokuroria, transmeton Gazeta Express.
“Pas kontrollit të shtëpive të pandehurve, në shtëpinë e njërit prej të dyshuarve janë gjetur parat e vjedhura, në shumë prej njëzetmijë (20.000) euro”, thuhet në njoftim.
Me urdhër të Prokurorit të Shtetit, të dyshuarit janë ndaluar 48 orë, ndërsa brenda afatit ligjor, Prokuroria Themelore në Pejë do paraqet kërkesën për caktimin e masës se paraburgimit ndaj tre të pandehurve në gjykatën kompetente.
