Gjykata e Apelit ka vendosur që të lërë në fuqi masën arrest me burg për ish-efektivin e policisë së shtetit, Jeton Lami.
Ai u arrestua disa javë më parë me akuzën se shpërdoroi detyrën duke arratisur me makinë Ervis Martinajn. Shkalla e parë e la në burg.
Lami e apeloi, por nuk ishte në seancë. Ai u përfaqësua nga avokatët që thanë se do ta çojnë në Gjykatën e Lartë dosjen.
Por edhe e dyta e la në burg. Ish-efektivi ka vendosur që të mos flasë duke mos treguar asgjë.
Ai nuk pranon akuzën dhe faktin se ku e çoi Martinajn për herë të fundit. Hetimet vazhdojnë nëse Martinaj është vrarë apo ka inskenuar zhdukjen.
