Kur ka kaluar më shumë se një muaj nga zhdukja e Ervis Martinajt ende nuk ka asnjë gjurmë të tij. Pistat janë dy dhe skenarët dy; krim ose inskenim.
Drejtuesit e lartë të SPAK-ut dhe policisë u takuan për të vendosur në vend porosinë e kryeministrit.
Edi Rama kërkoi një përgjigje përfundimtare nëse është vrarë apo gjithçka është inskenim.
Shpresat më të mëdha janë të efektivi Jeton Lami që u arrestua, por që nuk ka pranuar që të flasë për të treguar ku e çoi herën e fundit mbretin e basteve.
Pas natës që kaloi në hotel në Durrës me “Miss Univers Albania” ai e solli sërish në Tiranë Martinajn. Më pas nuk dihet më asgjë për fatin e tij.
Policia e shtetit nuk ka publikuar emrin dhe as dëshminë e vajzës, e cila është marrë në pyetje.
Çfarë deklaroi ajo për Ervis Martinajn? Asgjë nuk dihet nëse ka një hetim kundër saj.
Hetimet dyshohet se janë shtrirë edhe në Kosovë, pasi “mbreti” i basteve lëvizte shpesh drejt Prishtinës dhe qyteteve të tjera.
