Do të mbahet këtë të martë seanca gjyqësore ndaj ish-efektivit, Jeton Lami, në Gjykatën e Apelit të Tiranës
Lami akuzohet se ka ndihmuar biznesmenin e shumëkërkuar nga policia, Ervis Martinajn.
Ish-efektivi, Jeton Lami ka kërkuar lirinë në Gjykatën e Apelit. Të pranishëm në gjykatë janë familjarë të Lamit.
28-vjeçari nuk pranoi që të fliste në gjykatë kur u la në burg, por as përpara oficerëve të grupit hetimor dhe prokurorit të dosjes.
Lami ishte personi i fundit që sipas policisë është kapur në kamera duke lëvizur me makinë Martinajn.
Jeton Lami u la në burg nga gjykata e Kurbinit, pasi më 5 dhe 7 gusht ka transportuar ndërmjet Durrësit dhe Tiranës Ervis Martinaj.
Por misteri mbi fatin e biznesmenit Ervis Martinaj vazhdon.
Kryeministri Edi Rama i ka kërkuar drejtorit të ri të policisë, Muhamet Rrumbullakut që shumë shpejt të dalë me një përgjigje, ka vdekur apo është gjallë.
