Ish-kryeministri Sali Berisha tha sot se sistemi TIMS në pikat kufitare shqiptare ende nuk është në funksion, ndryshe nga sa pretendon qeveria.
“Në zhvillimet e fundit në vend, cdo e dhënë që ka ekzistuar në arkivën e vendit për banda dhe kriminelë sot është në treg. Kjo përbën një zhvillim shumë tronditës.
Por kur mendohesh dhe arsyeton, konstaton se banditët më të mëdhenj të këtij vendi, shefat e bandave janë në qeveri.
Atëherë është e kotë të dramatizosh një diçka që në një vend normal është dramatike. Sot pikat tona kufitare qarkullojnë lirshëm, hyjnë dhe dalin, të kërkuar dhe pa kërkuar.
Sistemet nuk funksionojnë. Sot ortakët e tyre hyjnë në parlament, qeveri dhe institucione. Është e vërtetë që ishte sulm i një fuqie armike, por këto kanë ndodhur rëndomtë” tha ai.
