Ministri i Drejtësisë, Ulsi Manja i është përgjigjur deputetes së PD-së Jorida Tabaku në seancën e sotme plenare.
Tabaku, shtroi pyetjet se ku ndodhet drejtësia sot dhe pse u bë reforma në Drejtësi.
“Po më thoni pse e bëmë reformën në drejtësi? E bëmë që politika të rrijë larg politikës. Drejtësia të jetë e pavarur. Mos e bej më këtë pyetje në sallë. Drejtësia po bën detyrën, nëse keni raste thuajeni këtu në sallë.
Ndryshimi jonë në krahasim me ju është si drita e diellit. Drejtësia sot po bën detyrën. Nuk mund ti thuhet drejtësisë pse nuk bën këtë, pse nuk bën atë, lëreni drejtësinë të beje punën e vete. SPAKU është duke bërë detyrën. Hetimi nuk mbaron brenda ditës. Ish-kolegët tanë po përgjigjen para drejtësisë”, u përgjigj Manja.
Jorida Tabaku: Nuk e kam sulmuar kurrë drejtësinë, besoj se jam në detyrën time që të kërkoj informacion se ku janë hetimet? Pse e kërcënoni SPAK? Pse është bërë organi më i sulmuar nga të gjithë ata që kanë një dosje në prokurori? Ku është parë t’i jepni urdhër se çfarë të hetohet? Për mua do të ketë drejtësi kur të hetohet dosja 184 dhe 339, i drejtohem politikës dhe pushtetit të djeshëm, të sotme, të nesërm, kushdo që ka pushtet duhet të jetë para drejtësi sikundër duhej të ishit edhe ju zoti Manja.
