Nëse një president amerikan do të kishte mbajtur një fjalim si ai i Vladimir Putin, mediat do ta kishin quajtur kaos, çrregullim, pavendosmëri.
Gjatë ditës së djeshme, është pikërisht kjo që ndodhi në Moskë, thotë akademikja Anne Applebaum në artikullin e saj.
Presidenti rus njoftoi se do të mbante një fjalim gjigand dhe më pas u zhduk pa zhumë dhe shpjegime.
Edhe pse Vladimir Putin më në fund iu drejtua popullit rus të nesërmen në mëngjes, të njëjtat përfundime duhet të dalin në pah: kaos, çrregullim, pavendosmëri. Kremlini duhet të jetë në krizë.
Në asgjë nga ato që tha Putin nuk ishte e re dhe as e pa njohur më parë.
Rusia ka shprehur prej kohës synim për referendume “të rreme”, në territoret ukrahinase.
Për më tepër, Putin dhe ekipi i tij i propagandës i kanë përmendur disa herë kërcënimet bërthamore drejtpërdrejt ose tërthorazi që nga fillimi i pushtimit rus shkurtin e kaluar. Në të njëjtën kohë, një mobilizim i heshtur ka nisur prej javësh , ndërsa ushtria ruse përpiqet të zëvendësojë ushtarët që ende nuk e pranon se janë vrarë, plagosur apo rraskapitur nga operacionet luftarake.
Ai humbet aleatët
Por tani që Ukraina ka arritur të rimarrë mijëra hektarë territor të kapur nga Moska, referendumet po përshpejtohen, kërcënimet bërthamore po rinovohen dhe rekrutimi po zgjerohet.
Këto nuk janë veprime të një lideri të sigurt , i cili është i sigurt për legjitimitetin dhe rezultatin e luftës që po bën, shpjegon Applebaum.
Pjesërisht, kriza buron nga frika e Putinit për të humbur atë që ai e sheh si mbështetje ndërkombëtare.
Asnjë shenjë ideologjike nuk e bashkon “klubin global” të liderëve autoritarë dhe sigurisht asnjë ndjenjë e përbashkët.
Ndërsa disa besonin se Rusia kishte me të vërtetë ushtrinë e dytë më të madhe në botë, ndërsa Putini dukej se do të mbetej në pushtet për një kohë të pacaktuar, udhëheqësit e Kinës , Bjellorusisë dhe Kazakistanit , së bashku me ata të Indisë dhe Turqisë , ishin të lumtur të… toleronin ” kompania”.
Megjithatë, fitorja ushtarake e supozuar e pashmangshme e Putinit është në rrezik.
Sanksionet perëndimore jo vetëm që po shkaktojnë probleme për të, por edhe për partnerët e tij tregtarë – dhe durimi i tyre ka filluar të dobësohet.
Kjo u duk edhe nga takimi në Uzbekistan javën e kaluar. Kryeministri indian Narendra Modi i tha atij se “sot nuk është kohë lufte”, ndërsa presidenti kinez Xi Jinping shprehu shqetësim.
Të hënën, presidenti turk Rexhep Tajip Erdogan i bëri thirrje homologut të tij rus që t’i japë fund luftës, duke thënë se territoret e pushtuara do t’i kthehen Ukrainës. Ai shtoi se ato territore duhet të përfshijnë gjithashtu Krimenë, të cilën Rusia e aneksoi në vitin 2014, pas një referendumi të ngjashëm me ato që po zhvillohen tani në territoret e pushtuara ukrainase.
