Tre persona janë arrestuar sot në Tiranë për shfrytëzim prostitucioni. Organizatori është një 29-vjeçar, pronar i një banese, ku sipas policisë ushtrohej prostitucion.
Gjithashtu u arrestua një klient dhe një tjetër që bashkëpunonte me 29-vjeçarin për shitjen e lëndëve narkotike.
Procedohen në gjendje të lirë një vajzë që ushtronte prostitucion dhe një punëtor i biznesit (lavazhit) të 29-vjeçarit, pasi iu gjet lëndë narkotike.
Nga operacioni u sekuestruan dy automjete, sasi lënde narkotike kokainë dhe cannabis sativa, 1300 euro dhe shuma parash, të dyshuara të përfituara nga ky aktivitet kriminal, si dhe kartëmonedha paund të dyshuara të falsifikuara.
Si rezultat i këtij operacioni, në muajin mars të këtij viti, janë arrestuar 4 shtetas të tjerë.
