Sekretari i Përgjithshëm i Partisë së Lirisë, Tedi Blushi i është kundërpërgjigjur Autoritetit të Dosjeve në lidhje me hetimin e Ilir Metës si spiun i regjimit.
Blushi është shprehu se “Dosjet” e dinë mirë se kush është I. M. dhe po akuzojnë pa të drejtë. Sipas tij ata po falsifikojnë dokumentet në emër të Edi Ramës.
Ai është shprehur se mashtrimi dhe falsifikimi i dokumentave janë vepra të rënda penale, sidomos kur kryhen nga zyrtarë përgjegjës.
“Superfëlliqësira janë ata që falsifikojnë dhe mashtrojnë duke cënuar të drejtat dhe privatësinë e të përndjekurve nga ish-Sigurimi i Shtetit.
Të tillë jeni sa kohë keni shkelur me vetëdije dhe në bashkëpunim ligjet.
Ju që u vutë në alarm nga e-mail anonim i një sigurimsi VFLP dhe për një ditë bëtë 7 vendime dhe shkelët 6 herë ligjin, ju e dini shumë mirë se kush është I.M.
Ju që nga 3 Gushti nuk i ktheni përgjigje viktimës për të cilën u “alarmuat”, ju jeni të korruptuar deri në fyt nga Edvin K. Rama dhe Larva e tij, me leje ndërtimi dhe ndërtime pa leje“, ka shkruar ai.
