Nga 1 tetori të gjitha familjet që konsumojnë mbi 800 kilovat energji elektrike do të paguajnë 42 lekë/kilovati.
Enti Rregullator i Energjisë Elektrike vendosi sot çmimin e ri të energjisë. Kushdo që do të harxhojë më tepër se 800 kë/h energji, do të duhet ta paguajë atë me çmimin e tregut.
Pra, familjet që konsumojnë deri në 800 kilovat do ta paguajnë me 9.5 lekë dhe mbi këtë fashë 42 lekë.
Kjo kërkesë e qeverisë u miratua nga ERE me argumentin e këshillit të ministrave që me shumën që do të përfitohet nga rritja e çmimit do të mbulohet një pjesë e importit. Rritja bëhet për tre muaj, nga tetori deri në dhjetor të këtij viti.
Deputetja e Partisë Demokratike Jorida Tabaku kërkoi nga ERE që të mos e pranonte kërkesën për rritjen e çmimit të energjisë elektrike për ata që harxhojnë mbi 800 kilovat nga data 1 tetor.
