Ndërsa problemet ligjore të Donald Trump rriten, donatorët dhe Partia Republikane kanë paguar miliona dollarë nga tarifat e tij ligjore.
Së fundmi mbi të dhe tre fëmijët e tij rëndon një padi mashtrimi, pretendohet se ata gënjejnë për vlerën e pronës “me miliarda”.
Të dhënat financiare tregojnë se ai tashmë ka shpenzuar më shumë se 1 milion dollarë (890,000 £) donacione për të luftuar këtë çështje në 2022.
Trump ka mohuar çdo akuzë.
Padia e fundit, e shpallur nga Prokurorja e Përgjithshme e shtetit të Nju Jorkut, Letitia James, ishte kulmi i një hetimi civil të gjatë i cili filloi në vitin 2019.
Miliona dollarë të shpenzuara për të luftuar këto akuza kanë ardhur nga komiteti i veprimit politik i Trump Save America (PAC) i cili merr donacione nga mbështetësit e Trump në të gjithë vendin – tregojnë dosjet e Komisionit Federal të Zgjedhjeve (FEC).
Save America ka paguar më shumë se 1.12 milionë dollarë vetëm këtë vit për firmat ligjore të punësuara për të mbrojtur Trump në çështjen e Nju Jorkut.
