Qindra civilë po marrin pjesë në ditën e dytë të protestave kundër mobilizimit ushtarak në rajonin rus të Dagestanit.
Në një përpjekje të dukshme për të qetësuar protestuesit, kreu i Republikës, Sergej Melikov, tha se mobilizimi duhet të bëhet “rreptësisht sipas kritereve të përcaktuara nga Presidenti”.
Në një mesazh në kanalin e tij Telegram, Melikov tha se nëse “mobilizoheshin ata që nuk janë përfshirë në listë, përfshirë studentë, baballarë me shumë fëmijë me fëmijë të vegjël, djem që nuk kanë mbajtur kurrë automatikun në duar, [kjo] duhet korrigjuar menjëherë”.
“E di që në fillim të mobilizimit gabime të tilla kanë ndodhur, ndër të tjera, për shkak se disa qytetarë nuk i kanë njoftuar me kohë regjistrit ushtarak për rrethanat që u japin atyre një afat nga mobilizimi”, vazhdoi ai.
Ai pohoi se protestat ishin “të përgatitura dhe të kontrolluara nga jashtë”.
Ai tha se ishte në kontakt të rregullt me komisarin ushtarak të Dagestanit për procesin e mobilizimit.
