Ambasadori i SHBA-së, në Serbi Christopher Hill ka kërkuar sqarime se çfarë është nënshkruar mes Serbisë dhe Rusisë.
Sipas SHBA-ve, askush nuk duhet të nënshkruajë në një situatë të tillë me Rusinë.
“Ne dëgjuam përshkrimet e atij dokumenti, ai nuk është bërë ende publik, kështu që ne jemi ende duke pritur për këtë. Prandaj është shumë e vështirë për ne ta kuptojmë ekzistencën e një dokumenti të tillë, por shpresojmë dhe presim që të dëgjojmë më shumë për të dhe të shpjegohet në një farë mënyre. Shtetet e Bashkuara gjithashtu llogarisin që Serbia duhet ta shoh situatën më gjerë dhe ne e mbështesim atë në qëllimin e saj të vetëshpallur, të bëhet anëtare, të afrohet më shumë me BE-në. Ne gjithashtu mbështesim dhe presim që Serbia të bëjë diçka për të diversifikuar burimet e saj të energjisë he ta zvogëlojë varësinë e saj nga Rusia, e cila bazohet kryesisht në masat e shantazhit dhe presionit”, shtoi Hill.
