Sot ka nisur seanca solemne për shënimin e 18-vjetorit të Pavarësisë së Kosovës, ku Presidentja Vjosa Osmani mori fjalën e parë. Ajo theksoi se kjo ditë tregon se liria, e fituar me mund e sakrificë, është e përjetshme.
“Vetëm 18 vite më parë, Kosova u ngrit nga vuajtja në dinjitet, duke dëshmuar se liria e fituar me sakrificë është e përjetshme”, UÇK është ideali më i madh që ka ndërtuar shqiptarët ndër shekuj. Kjo luftë ishte e drejtë, e pastër dhe e domosdoshme. Çdo përpjekje për ta njollosur atë, relativizuar apo barazuar viktimën me agresorin është e padrejtë por edhe e pavërtetë dhe e papranueshme. Krerët e UÇK sot në Hagë së bashku me mijëra luftëtarë të tjerë u ngritën për liri, dinjitet për të jetuar të lirë në atdhe. , deklaroi Presidentja.
Ajo e cilësoi të papranueshme çdo përpjekje për të barazuar viktimën me agresorin, duke shtuar se sulmet ndaj historisë dhe luftës për liri të Kosovës, si dhe përpjekjet për të barazuar krimet gjenocidale të Serbisë me luftën për liri, dëmtojnë paqen në rajon.
