Një 38-vjeçar ka rënë në prangat e policisë së Gjirokastrës pasi po transportonte emigrantë të paligjshëm.
Ai u konstatua nga policia në zonën e Ura e Lumit, por nuk iu bind uniformave blu për ndalim. 38-vjeçari nga Tirana po transportonte 3 emigrantë të paligjshëm drejt kufirit grek.
“Në bashkëpunim me Komisariatin e Policisë Nr. 2, Tiranë, kanë kapur dhe ndaluar shtetasin A. K., 38 vjeç, banues në Tiranë, për veprat penale “Dhënia ndihmë për kalim të paligjshëm të kufirit” dhe “Mosbindja ndaj urdhrit të punonjësit të policisë së rendit publik”.
Ky shtetas më datë 19.06.2022, në vendin e quajtur “Ura e Lumit”, nuk i është bindur urdhrit të punonjësve të Policisë për të ndaluar automjetin, por ka vazhduar lëvizjen me shpejtësi dhe më pas ka braktisur automjetin me të cilin dyshohet se po transportonte 5 emigrantë të paligjshëm nga vendet MENA, në drejtim të Tiranës, kundrejt fitimit,” ka njoftuar policia.
