Më shumë se gjysma e gazit të përmbajtur në tubacionet në fund të Detit Baltik që përjetuan shpërthime të pashpjegueshme në fillim të kësaj jave tani ka rrjedhur, tha të mërkurën Agjencia e Energjisë e Danimarkës.
Me atë ritëm, dy tubacionet, të cilat rrjedhin në tre pika, pritet të zbrazen deri të dielën, tha shefi i agjencisë Christopher Betchau.
Sipas llogaritjeve të agjencisë, ndikimi mjedisor i derdhjes është pothuajse i barabartë me atë të emetimeve vjetore të Danimarkës. Rrjedhja është kryesisht metan, sipas të njëjtit burim.
Sipas agjencisë, nuk konsiderohet të ketë rrezik për shëndetin e popullatës, veçanërisht të banorëve të ishullit Bornholm, në Detin Baltik.
Danimarka, Bashkimi Evropian dhe NATO besojnë se rrjedhjet e Nord Stream dhe Nord Stream 2 ishin për shkak të “sabotimit”.
