Kryeministri Edi Rama ka reaguar sërish pas marrjes së 4 mijë e 646 metrave katrorë në qendër të Tiranës, të cilat ishin pa leje ndërtimi.
I njohur ndryshe si “Syri i Tiranës”, nga dokumentet e del se IKMT kishte denoncuar në prokurori që në korrik të këtij viti këtë ndërtim.
“Rasti i atyre 4 mijë e 646 metrave katrorë në qendër të Tiranës, të cilat dje i mori shteti për interes publik. Dhe ky nuk është i vetmi rast, po rasti që derdhi kupën e durimit me drejtësinë, në raport me parellinjtë e llojllojshëm, kapur me presh në duar tërë këto vite nga Policia e Shtetit, Tatimet e Doganat apo Inspektoriati Kombëtar i Mbrojtjes së Territorit, por kthyer në burime të ardhurash për të korruptuarit e drejtësisë,” ka thënë Rama.
