Nesër Partia Demokratike do të caktojë grupin negociator që do të ulet dhe të bisedojë me aleatët për të vendosur si do të dalin në zgjedhje vendore. Kërkesa e tyre është e qartë; me një kandidat.
Por kush do të drejtojë negociatat nga PD?
Kryetar i këshillit kombëtar të PD-së, Edi Paloka tha se ky grup negociator do të kryesohet nga Berisha.
“Pas ditës së sotme ku u miratua rregullorja, do të fillojnë kontaktet me aleatët dhe do të bashkërendohet puna. Besoj se zoti Berisha do të jetë negociator kryesor me aleatët” tha Paloka.
Këshilli Kombëtar sot ka caktuar rregulloren e primareve. Do të votojnë dhe simpatizantët.
Nëse në garë do të hyjnë kryetarët e partive të degëve, atëherë kompetencat e tyre do të ushtrohen nga nënkryetari i degës.
