Një aksident tragjik me të paktën 26 të vdekur dhe dhjetëra të tjerë të plagosur është regjistruar mbrëmjen e djeshme në Indinë Veriore, ku raportohet se një autobus në të cilin udhëtonin rreth 50 persona u përmbys dhe ra në një liqen.
Aksidenti ka ndodhur mbrëmjen e së shtunës në qytetin Kanpur. Automjeti, i cili transportonte rreth 50 persona që ktheheshin nga një pelegrinazh në një tempull, doli nga rruga, në rrethana të paqarta, u përmbys dhe ra në liqen.
Kryeministri indian Narendra Modi shprehu dhimbjen e tij më të thellë. Në një postim në ‘Twitter’ ai tha: “Mendimet e mia janë me të gjithë ata që kanë humbur të dashurit. Lutem për të lënduarit”, duke shtuar se autoritetet lokale janë mobilizuar për të ofruar të gjithë ndihmën e mundshme.
