Ish-ministrja dhe drejtoresha e ARRSH-së, Sonila Qato është marrë në pyetje në SPAK.
Nuk dihen arsyet e thirrjes së saj në strukturën anti-korrupsion. Qato në momentin që është futur në prokurorinë e posaçme ishte e shoqëruar nga avokati.
Pak kohë më parë Qato u kallëzua në prokurori nga një kompani private për pabarazi në tendera për Rrugën e Arbrit, por nuk dihet nëse është kjo çështja për të cilën po merret në pyetje.
Muajt e fundit kanë qenë shumë intensiv për SPAK-un, që ka marrë në pyetje zyrtarë dhe ish-zyrtarë të lartë për disa dosje të bujshme, por asnjë nuk është finalizuar.
