Kreu i Partisë Demokratike Sali Berisha, në një deklaratë për mediat është pyetur se çfarë mendon për për takimet e Bashës. Berisha tha se ka vetëm një koment për Bashën: Të bëjë transparent problemin e fondeve ruse.
Keni një koment për takimet që ka nisur Basha?
Sali Berisha: I vetmi koment që kam unë për Bashën është që të bëjë transparencë për fondet ruse
Keni komunikuar me të së fundmi?
Sali Berisha: Jo, por komisioni i ngritur për këtë qëllim do t’i japë të drejtën të shpjegohet para kësaj aktakuze. Është faktuar që s’ka pasur lidhje me asnjë institucion të PD. Nga arka e PD-së nuk ka hyrë e nuk ka dalë asnjë qindarkë. Ëështë e domosdoshme të sqarojë këtë akuzë të përsëritur. U bë njëherë nga Mother Jones, por tani nuk është nga Mother Jones. Janë institucionet e shërbimeve inteligjente.
Pra këto takime i shikoni të padëmshme.
Sali Berisha: Jua thashë, me Bashën kam vetëm këtë problem për sa kohë është anëtar i PD. Nuk pranohet një gjë e tillë.
