Hakerat iranian në grupin e tyre tyre në Telegram kanë bërë kërcënimin e radhës për Shqipërinë.
Ata janë shprehur se vendin tonë e pret fati i Irakut ku si ish-diktatori irakian Saddam Hussein përdori MEK për të vrarë njerëzit e vendit të tij.
“Siç e dini, dhe siç thamë, korrupsioni sistematik i pushtetarëve po e bën më të ngatërruar popullin shqiptar. Ashtu si ish-diktatori irakian Saddam Hussein përdori MEK për të vrarë dhe shtypur njerëzit e tij si ushtrinë e tij private, një fat i tillë me siguri do të përsëritet në Shqipëri. Qëndroni vigjilent për zbulime të mëtejshme…”- shkruhet në publikim.
Ata nuk janë mjaftuar me nxjerrjen e dokumenteve sekrete dhe sulmin e disa sistemeve MEMEX dhe TIMS. Si dhe publikimi i email-ve të ish-drejtorit të Policisë Gledis Nano.
“Gjatë Operacionit Liria e Irakut (OIF), forcat e koalicionit u përballën me një çështje të pazakontë të të burgosurve që përqendrohej te Mujahedin-e Khalq (MEK) një grup disident i kultit iranian në mërgim, të cilin Sadam Husseini e kishte ftuar në Irak për të luftuar në emër të tij gjatë Luftës Iran-Irak. SHBA e përcaktoi MEK një organizatë të huaj terroriste në 1997 dhe një forcë armike luftarake në OIF në 2003. Menjëherë pas pushtimit, forcat e koalicionit pranuan një armëpushim nga MEK, çarmatosën grupin dhe konsoliduan anëtarët e tij në një nga kampet e MEK,” shkruhet në dokument.
