Avionët luftarakë të Forcave Ajrore Italiane kanë arritur të pikasin katër avionë luftarakë rusë, pasi janë konstatuar teksa kanë shkelur hapësirën ajrore të NATO-s, duke bërë që tensionet mes Putinit dhe Perëndimit të ndizen edhe më shumë.
Avionët e Putinit u pikasën duke u larguar në hapësirën ajrore që i përket Polonisë dhe duke fluturuar pranë Suedisë nga enklava ruse e Kaliningradit. Roma dërgoi katër avionë luftarakë Eurofighter Typhoon në Poloni si pjesë e një misioni policor ajror të NATO-s në korrik, me avionët luftarakë të stacionuar në bazën ajrore Malbork.
Në një deklaratë Aeronautica Militare, Forcat Ajrore Italiane, shpjegoi se avionët luftarakë u ngritën nga Kaliningrad para se të shkelnin hapësirën ajrore polake. Avionët rusë më pas fluturuan përtej Detit Baltik në drejtim të Suedisë përpara se të “detyroheshin” të ktheheshin në bazë.
Kaliningrad është një pjesë territori shumë e militarizuar e shkëputur nga shteti kryesor rus dhe i rrethuar nga Polonia dhe Lituania. Suedia mohoi që avionët rusë hynë në hapësirën e tyre ajrore, duke thënë se ata qëndruan në një zonë ndërkombëtare.
