Pesë persona janë arrestuar për vjedhje në Kamzë. Policia njoftoi sot se të arrestuarit janë; F. D., 26 vjeç, F. H., 22 vjeç, H. Xh., 20 vjeç, D. B., 17 vjeç dhe L. T., 16 vjeç të akuzuar për vjedhje në bashkëpunim.
Po sipas policisë, të arrestuarit ditën e djeshme kanë vjedhur dy bagëti të trasha, në fermën didaktike, në pronësi të Universitetit Bujqësor Tiranë.
Si për koicidencë vjedhja ka ndodhur dje, në të njëjtën ditë që ishte kryeministri Edi Rama. Mëngjesin e djeshëm kreu i qeverisë ishte te Universiteti Bujqësor ku prezantoi skemën kombëtare për të ardhmen e prodhimit vendas.
Grupi hetimor po punon për dokumentimin e vjedhjeve të tjera që mund të jenë kryer nga ky grup. Materialet i kaluan Prokurorisë, për veprime të mëtejshme procedurale.
