Debatet për krizën energjetike ishin të forta sot në Kuvend.
Ish-zv/ kryeministri Erion Braçe i kujtoi opozitës atë që sipas tij ka bërë Sali Berisha kur ishte në pushtet, privatizimin e CEZ-it te çekët.
“Të flitet këtu për energjinë nga një palë që e penetroi sistemin energjetik nga një cep në tjetrin, kur OSHE-në e privatizoi për 5 lekë për një familje.
Me sekser. Përmes një individi. E mori OSHE-në e kthye në CEZ për të rritur çmimin e energjisë. Privatizoi katër HEC-e të tjera.
Në fund krijoi një rrjet që medemek mblidhnin borxhe. Atëherë ishte një mentalitet klientelist” tha Braçe.
Sezoni i shalqirit mbaroi. Tani deputeti socialist ngriti një problem tjetër, ullirin.
“Çfarë do të bëjmë me të gjithë këtë ullinj, ku do ta çojmë. E gjithë bota ka problem prodhimin, ne shitjen.
Nëse do ta bëjmë vaj, si do ta bëjmë, a duhet certifikuar cilësia e tij. Në krahun tjetër problemi më i madh është sistemi fiskal. I tatimit.
E ka dërrmuar përpunimin e drejtë dhe të ndershëm. Kjo është një çështje që duhet diskutuar tani, kur vjen paketa fiskale” tha ai.
