Kryetari i Partisë së Lirisë Ilir Meta, ka deklaruar mbrëmjen e sotme se zgjedhjet lokale do të kthejnë llogaridhënien në nivel vendor.
Me anë të një postimi në Facebook, Meta u shpreh se Partia e Lirisë është e vendosur për t’i dhënë fund shpërdorimit të taksave vendore.
‘Zgjedhjet vendore rikthejnë llogaridhënien në Bashkinë e Tiranës dhe kudo në njësitë vendore. Partia e Lirisë është e vendosur për t’i dhënë fund shpërdorimit të taksave vendore, shkatërrimit urbanistik, përkeqësimit të shërbimeve dhe korrupsionit të kudogjendur në kryeqytet deri edhe te shërbimi funeral. Ndryshimi do të nisë nga Tirana!’ shkruan Meta në postimin e tij.
