Presidenti Bajram Begaj sot mbyll konsultimet me partitë për datën e zgjedhjeve vendore. Këtë të enjte në Presidencë ka shkuar kreu i grupit parlamentar të Partisë Socialiste, Taulant Balla.
Më herët kreu i shtetit ka zhvilluar takime me grupet e tjera parlamentare. Në zyrën e tij ka shkuar Oerd Bylykbashi, Ilir Meta, Enkelejd Alibeaj, Fatmir Mediu, Vangjel Dule, Agron Duka dhe Dashamir Shehi.
Para se të niste takimet me grupet parlamentare, kreu i shtetit zhvilloi një takim me Kryeministrin Edi Rama. Në fund të takimeve presidenti do të shpallë datën. Vitin tjetër do të zhvillohen zgjedhjet vendore.
