Tronditëse janë dëshmitë e dy grave nga Somalia, 37 dhe 31 vjeç, të cilat u shpëtuan nga rrënojat në Lesbos. Sipas asaj që thanë dy gratë, ata u nisën në orën 22 të së mërkurës nga Turqia, kaluan kanalin dhe mbërritën në brigjet e Lesbos rreth mesnatës.
‘Kushtet e motit ishin shumë të këqija, valët ishin si mur dhe hidheshin mbi shkëmbinjtë në tokë’, shprehen ato.
Me terrorin ende të shprehur në sytë e tyre, dy gratë përshkruajnë njerëzit që binin në det, gratë që bërtisnin dhe varka që u copëtua shpejt në dysh. Ato panë kufoma, mes tyre një fëmijë 14-vjeçar, që notonte pranë tyre, por fatmirësisht ato arritën të dilnin në breg dhe të ngjiteshin në shkëmbinj.
Ato treguan gjithashtu se u paguanin kontrabandistëve nga 350 deri në 600 dollarë, por pretendonin se ata vetë i kalonin ngushticat nga Turqia drejt vendit tonë.
Njëkohësisht, ato sqaruan se në skaf ndodheshin 53 persona. Dhjetë gra u shpëtuan nga roja bregdetare në det dhe 15 persona të tjerë u gjetën, sipas informacioneve, nga autoritetet në tokë. Janë nxjerrë gjithsej 18 trupa, ndërsa vazhdojnë ende kërkimet për gjetjen e personave të zhdukur.
