Kreu i Partisë së Lirisë Ilir Meta, ka reaguar në lidhje me vendimin e djeshëm të gjykatës për të ndryshuar masën e sigurisë për ish-deputetin e Partisë Socialiste, Alqi Bllako.
Me anë të një postimi në Facebook, Meta u shpreh se një vendim i tillë është marrë me urdhër të Kryeministrit Edi Rama.
POSTIMI I PLOTË:
Lirimi i djeshëm i Alqi Bllakos është një goditje fatale për sistemin e drejtësisë. Është një ekzekutim moral i saj i bërë me urdhër të Edi Ramës, ashtu siç bën me amnistitë e tërthorta me oligarkët dhe ndërkohë fut në burg 82-vjeçaren nga Narta e Vlorës për kotecin pa leje.
