Mbrëmjen e djeshme RENEA dhe FNSH kanë kryer kontrolle në disa banesa dhe objekte në Shijak. Ende nuk ka një informacion nga policia, por dyshohet se kërkimet janë bërë në kuadër të hetimeve për zhdukjen e Ervis Martinajt.
Në media ka pasur disa skenarë mbi fundin e Ervis Martinajt. Zëra të ndryshëm në media qarkullonin se biznesmeni Evris Martinaj i cili prej dy muajsh është raportuar i zhdukur, ka hyrë për herë të fundit në banesën e “Avdylajve” të Shijakut.
Pamjet e fundit të regjistruara mbi Martinajn kanë qenë ato të daljes së tij nga hoteli në Durrës, ku ishte i shoqëruar nga një modele dhe nga oficeri i operacionales Jeton Lami.
Prej 10 gushtit për 40-vjeçarin nuk ka asnjë gjurmë. Ende nuk dihet nëse zhdukja lidhet me një inskenim të “mbretit” të basteve apo krim.
