Në një kohë që ende nuk dihet nëse do të nisë viti akademik pas paralajmërimit të fortë të pedagogëve, janë marrë disa vendime të reja. Leksionet këtë vit akademik do të jenë të detyrueshme për studentët.
Ministria e Arsimit ka firmosur një udhëzim për “Frekuentimin e procesit mësimor, sipas llojit të veprimtarisë mësimore në auditor dhe ciklit të studimit”, në të cilin përcaktohet sasia e orëve që duhet të frekuentojë në seminare e leksione.
Në udhëzimin e ri, thuhet se për programet e studimit të ciklit të parë nevojiten një pjesëmarrje deri në 75 për qind të leksioneve. Ndërkohë sa i përket masterit profesional, duhet një pjesëmarrje në së paku 60% të orëve ndërsa të masterit shkencor deri në 75 për qind.
