Indrit Dokle u kap mbrëmjen e djeshme nga policia teksa po udhëtonte në makinë me të shumëkërkuarin Fatjon Murati.
Por mëngjesin e sotëm Dokle u la i lirë. Mbi të rëndojnë dy ngjarje ende të pazbardhura për drejtësinë, masakra e Fushë Krujës ku mbeti i vrarë kushëriri i Ervis Martinaj, Brilant Martinaj, Diklen Vata dhe Besmir Hoxha.
Sipas Balkanweb, Dokle ka pasur alibi të fortë prandaj dhe është lënë i lirë nga policia. Ai tha se mund të vinte në dispozicion dhe kamerat e vendit ku kishte qenë në kohën kur ndodhi vrasja e trefishtë në Fushë-Krujë.
Babai i Ervis Martinaj, Mustafa Martinaj ka akuzuar drejtpërdrejt Indrit Doklen si autorin kryesor të pengmarrjes së “mbretit” të lojërave të fatit.
Ky i fundit është zhdukur pa gjurmë që prej 9 gushtit të 2022. Ai është në kërkim nga policia, pasi ka ofruar gjysmë milioni euro tek Nuredin Dumani, për të ekzekutuar Doklen.
