Gjykata e Lezhës ka dënuar me 8 vjet burg 17-vjeçarin Florian Përvathi. Ky i fundit, disa muaj më parë, qëlloi për vdekje për hakmarrje Lek Përgjonajn. Vëllai i viktimës, disa vite më parë, i ka vrarë të atin 17-vjeçarit Përvathi.
Ngjarja ndodhi në 24 janar të këtij viti në fshatin Manati të Lezhës. Menjëherë pas ngjarjes, i riu u vetëdorëzua në polici, ku pranoi krimin dhe tregoi arsyet e kryerjes së tij.
I riu u gjet fajtor për veprat penale “Vrasje për gjakmarrje” dhe “Mbajtja pa leje mbajtja pa leje e armeve dhe municioneve luftarak”.
I konsideruar i mitur, pasi është nen 18-vjeç, ai u dënua me 12 vjet burg. Por për shkak të gjykimit të shkurtuar dënimi u ul me 1/3 në 8 vjet.
Të njëjtën masë dënimi kishte kërkuar edhe Prokuroria e cila arriti të provojë, bazuar në rrëfimin e autorit. Sipas Prokurorisë, 17-vjeçari e ka kryer krimin me paramendim për gjakmarrje, pasi vëllai i viktimës i kishte vrarë babanë në vitin 2009, kur ai ishte vetëm 4-vjeç.
I riu po ashtu pranoi ndërsa armën pistoletë e kishte siguruar në Shkodër rreth 1 vit para ngjarjes. Florian Përvathi ekzekutoi me armë zjarri bashkëfshatarin e tij Lek Lekgjonaj, mesditën e 24-janarit të këtij viti në fshatin Manati të Lezhës, sapo viktima kishte hyrë me makinë në oborrin e shtëpisë së vëllait të tij.
