Kryeministri Edi Rama kërkoi sot në Asamblenë e Këshillit të Europës rrëzimin e raportit të Dick Martyt për trafikimin e presupozuar të organeve gjatë luftës në Kosovë.
Deklarata shkaktoi reagim të ashpër nga përfaqësuesit në asamble. E para që reagoi ishte përfaqësuesja e Serbisë.
“Jam e tronditur, kjo ishte mungesë respekti. Raporti ishte një raport jo nga delegacioni serb apo rus, por i kësaj organizate që është miratuar nga shumica dërrmuese.
Është e pamundur që pas fjalës suaj për një ore. Kam këtu 15 vite dhe kurrë nuk e kam përjetuar një gjë të tillë” tha Elvira Kovács.
“Serbia është e tronditur, natyrisht do i duhet më shumë kohë që Serbia të bëjë njohjen e Kosovës” tha Rama. “Unë nuk tërheq asnjë fjalë” tha më tej Edi Rama.
Përfaqësuesja greke Nina Kasimati u shpreh se “kjo është një mënyrë e patakt”. Përfaqësuesi rumun, Bulai i kujtoi se me nismën e Ballkanit të Hapur po minon Kosovën.
“Një politikan që u friket fantazmave të së shkuarës. Le të presim prokurorinë në Hagë. Pse synoni një minishegen?
Sa shumë keni marrë anën e Kosovës, por i minoni në shtëpi duke mbështetur Ballkanin e Hapur që e izolon” tha ai.
