Ministri i Mbrojtjes së Kosovës, Armend Mehaj gjatë vizitës që po zhvillon në SHBA ka shprehur nevojat e Forcës së Sigurisë së Kosovës për armatime. Nisur nga konteksti, ai foli për përshpejtim të procedurave të prokurimit për blerje të armatimit.
“Furnizimi i Forcës së Sigurisë së Kosovës me pajisjet më moderne ushtarake është synimi ynë, andaj edhe gjatë takimit me ushtruesin e detyrës të Ndihmës Sekretarit të Ushtrisë për Blerje, Logjistikë dhe Teknologji në Departamentin e Mbrojtjes të Shteteve të Bashkuara të Amerikës, z. Douglas R. Bush, diskutuam rreth nevojave të FSK-së për armatime, rëndësisë së përshpejtimit të procedurave të prokurimit të këtyre pajisjeve, si dhe rëndësinë e thellimit të bashkëpunimit duke rritur numrin e trajnimeve, shkollimin e oficerëve dhe stërvitjeve të përbashkëta”, ka shkruar Mehaj.
