Pedagogët kanë zhvilluar paraditen e sotme protestën e paralajmëruar. E treta brenda pak ditëve.
Përpara Universitetit të Arteve trupa e pedagogëve deklaroi se nëse nuk do të ketë plotësim të kushteve të tyre ditën e hënë në 17 tetor nuk do të nisë viti i ri akademik.
Pedagogët kërkojnë që për dy vite të rritet paga e tyre me 50%, 30% këtë vit dhe 20% vitin tjetër.
Por qeveria vendosi që rritja të ishte vetëm 7% dhe 8% kërkoi që të merreshin nga tarifat e studentëve.
Pedagogët nuk e pranuan këtë rritje duke vijuar protestën.
