Kreu i Partisë së Lirisë, Ilir Meta në një konferencë për mediat ka komentuar progres-raportin e BE-së.
Meta është shprehur se një nga hallkat më problematike të këtij progres-raporti janë dhe investitorët strategjik si dhe ngecja e kompensimit të pronave nga kadastra.
“Të drejtat pronësore, sektor i prirur ndaj korrupsionit që cënon regjistrimin e të dhënave kadastrale. Procesi i kompesimit ka ngecur.
Klima e të bërit biznes vazhdon të ketë probleme që lidhen me sigurinë ligjore, për shkak të moszbatimit të legjislacionit dhe mungesës së konsultimeve.
Njësitë e qeverisjes vendore vuajnë nga mungesa e burimeve financiare, kapaciteteve administrative dhe transparencës në ushtrimin e kompetencave e tyre. Autonomia e tyre fiskale mbetet e rrezikuar, për shkak se buxheti varet prej transferimit në nivel qendror. Numri i lartë i kontratave të përkohshme të punësimit në qeverisjen vendore vazhdon të jetë problematik,” është shprehur ai.
