Kryetari i Partisë Demokratike Sali Berisha, ka bërë thirrje që të gjithë ti bashkohen protestës së pedagogëve që do të mbahet sot në orën 11:00, para Universitetit të Arteve.
“Të gjithë në Protestë!
Sot, në ora 11:00, protestë e madhe para Universitetit të Arteve nga pedagogë, punonjës dhe studentë të universiteteve të vendit”, shkruan Berisha.
Kujtojmë që ditën e sotme pedagogët kanë lajmëruar që do dalin sërish në shesh për të kërkuar rritjen e pagave.
Gjithashtu pedagogët kanë lajmëruar se nëse kërkesat e tyre nuk do të plotësohet do të bojkotojnë mësimin në datën 17 tetor.
